De Wins (2021)

Op schoél zochte ze enne nieje prins
Dus stook ik de vinger op
Mar wetse zeker desse det wal kins
Zet mich die muts mar op de kop
Ik twiefel toch wat aan dien kwaliteit
Dae heb ik in de tes
In ut kader van genderneutraliteit
pakke we dit jaor en prinses

Al duisse nag dien allerbeste bes
In ut laeve goejse toch ni altiëd zes

Ik zoel motdomme toch verrrekes gaer det ok ens wille zién
Wille zién, jao wille zién
Van je never noejts det det mich lukt nag ni ens hiél misschien
Hiel misschiën, jao hiel misschiën
Dus druim ik van dun daag dae d’r noeijts kump
en kweelt zich idderein aan mien gezump
Ik zoel motdomme toch verrekes gaer det ok ens wille zién
Wille zién, jao wille zién

 Dun optoch waas op zeuk nao niej talent
Dus schreef ik mich mar ens in
Dich bis vur ôs ech genne concurrent
De wets mar halluf wat ik kin
Ut zuut d’r oet desse ut nimmer kneis
Ik waer de nummer ein
Toch is ut baeter desse dich now dreijs
Want diene knommel velt oettrein

Al duisse nag dien allerbeste bes
In ut laeve goejse toch ni altiëd zes